Wednesday, 16 June 2010

Zuniga verjaar - 12

En so het Zuniga ook haar 1ste verjaarsdag in Oz!
8 Kiddies gaan speel tenpin bowling by AMF Sunshine. 'n Meisiespan en 'n Seunsspan - seuns wen!

Ek is nie seker hoe wou sussie hier gooi nie
Die wenspan

Sunday, 13 June 2010

Mt Macedon


Macedon is 'n pragtige dorpie in die Macedon Berge en het 'n populasie van 1 694 mense. Die huise word beskryf as 'extravagant large' - iets waarmee ek saamstem en die dorp is veral bekend vir sy tuine wat dateer uit die 1900's.
Hierdie is bv 'n tuin aan die voorkant van een van die kleiner cottages.
Ons 'trippie' het vanoogend begin by Gisborne. Ek wou hê Ellis en die kids moes dit sien aangesien dit so groot impak op my gemaak het.
Town Centre
'n Parkie wat die kinders natuurlik behoorlik benut het. 
Van daar af is ons dieper die woude en berg in tot by Woodsend.
'n Bergdorpie wat maar meer en deels uit plase bestaan.
Die Town Centre en onder 'n plaas.
Van daar af is ons na die baie interressante Hanging Rock.
Hanging Rock is 'n geologiese formasie wat ontstaan het uit 'n aktiewe vulkaniese berg. Wat die rotsformasie so uniek maak is dat die lawa nie afgeloop het nie, maar uitgedruk het boontoe en 'n prop gevorm het. Dit word genoem 'n mamelon en bestaan uit ongewoon dik, stywerige lawa vat koud word en stol die oomblik as dit uit die aardkors gepers is. 

Hier is ons al halfpad op teen die berg en daar sien jy die dele van die magma. Winderosie en reen het die rotse oor jare vervorm tot dit lyk soos nou.
 
 
  
Die volgende paar foto's is waar ons heel bo op die berg in die middel van die krater is.
Die trippie af was natuurlik makliker as die een op.
Op die berg is daar 'n Perde Wedrenbaan, kan jy glo? Daar is baie perde plase in die omgewing en 16-18 Julie hou hulle die groot wedrenne.
En daar verras 'n trop kangaroo's ons. Hulle het op die baan kom eet en ongelukkig kan die kamera nie so ver inzoom nie, maar hier is die poging.

Omdat Mt Macedon se dorpe baie lyk soos die Brittanje van 100 jaar gelede, word baie flieks wat in Engelandse platteland afspeel daar verfilm.

Monday, 7 June 2010

I'll shout you for lunch

So word ek mos nou die dag deur 'n vriendin 'ge-shout for lunch'. Nee nee, ons het nie heeltyd op mekaar sit en skreeu nie, alhoewel ek nogal gewonder het na watter raserige plek sy my wil vat dat ons heeltyd op makaar gaan 'shout'.
Blykbaar is dit hoe jy iemand nooi om saam jou te gaan eet en jy betaal die ete. 'I wanna shout you for lunch!' Klink lekker op die oor nê?

Ek het die twee engeltjies by die skool gaan aflaai op 'n pragtig sonskyn oggend, Gloria by haar huis gaan oplaai en afgesit Gisborne toe. 'n Pragtige dorpie in die Macedon Bergreeks so 25 km buite Caroline Springs. 

Daar is 40 'cold climate wineries' in die Macedon Reeks en een van hulle se naam is Malmsbury! Die mense van Malmsbury brrei blykbaarrr nie soos die Kaapse Malmesburry mense nie, maar die weer is identies. Sonder waarskuwing het ons pragtige sonskyndag verander in 'n grys reëndag. Ons gemoedere was egter nie beinvloed nie en ek het elke druppel van die dorpie ingedrink.

Gisborne het ontstaan in die 1850 'Gold Rush' en het gou bekend geraak vir sy Inn's, Koffie Tente en enige ander winkel wat aan die skatsoekers se behoeftes sou voorsien.

Hoofstraat














Treinstasie - met die V-line is jy binne 45minute in
die middestad by Flinders Stasie

Die Crimson Rosella is blykbaar volop in die woude.
En so ook die klein karnallies
Na 'n heerlike en lang oggend het ons die pragtige dorpie verlaat en besluit om ter nagedagtenis aan die 'Gold Diggers' by 'n regtige egtige Inn te gaan eet, nl die Gamekeepers Secret.


Die kos was heerlik en natuurlik word daar vir die man se maag gekook, so die kos was hopeloos te veel.

'So, when can I shout you for lunch in Gisborne?'