Friday, 23 April 2010

The Broadway

We finally moved, but we'll still be around.
We didn't go far just across town!
The boxes are gone,
we've cleaned up the mess.
We'd like to give you
our new address
Please get your
address book and pen
The van Rooyen family
has moved again!


En so trek ons toe vanaf Milburn Circuit na The Broad Way.
Ek het nog nooit so terugverlang na SA soos die naweek nie. Daar is darem maar al die hulp wat 'n mens kan vra.  Hier is ook hulp - teen 'n stywe prysie.

Heel week het ons huis gepak en huis geskrop.  Tuin omgeskoffel en nog gepak.  Saterdag oggend daag hulp (1 man) op met 'n trok. Die ding word van vloer tot dak gepak, van agter na voor...en die helfte van die meubels staan nog in die huis.  Na trippie 2 is Milburn huis leeg en Broadway huis vol. Milburn huis van voor af vuil en Broadway huis al klaar vuil...

Ons x-buurvrou bring 'n pot gammon sop met vars brood oor en ons deel die fees met die hulp.  Betaal hom en laat hom weer sy ry kry.

Ellis slaan beddens op, ek soek handdoeke en slaapklere, almal bad, eet weer sop en gaan slaap.  Sondag is almal vroeg op want Milburn moet skoon en die gras moet gesny word!  Benji huil verwoed omdat hy nie alleen wil agterbly nie. Laat aand is Milburn darem skoon en Broadway se bokse klaar uitgepak en Benji weer herenig met sy familie.

Maandag, ai die liewe Maandag.  Ellis het darem dag verlof ingesit, want net voor hy kids skool toe vat daag ons container uit SA op - yippeeeee! Ellis ry met kids skooltoe terwyl die huisraad afgelaai word. Van die skool af vat Ellis die Hyundai vir sy Road Worthy Checkup en Certificate. Intussen kom ons agter 3 bokse is missing in action.  Ellis kom by die huis aan en Foxtel daag op om ons TV uit te sorteer.  Die 3 bokse is nogsteeds weg. Ons begin solank die 54 ander bokse uitpak en is tegelyketyd in ekstase en hartseer.  Die hartseer raak al groter as ons agterkom dat ons familieportret in een van die 'weg' bokse is. Ek bel Grace Removers - nog geen teken van die verlore huisraad.

Nog bokse word uitgepak en kids se kamers ontaard in kamers van ouds - hulle kom by die huis en Zuniga sê sy voel of sy in Pretoria is.  'Ja my kind', sê ek. 'Dit voel vir my ook so. 3 Bokse is weg.'

Vandag is Vrydag - amper 'n week na die trek.  2 Vriendinne het al kom koffie drink en my kar is uiteindelik op my naam. Die 3 bokse is nogsteeds weg. 

Na die 18de trek sou mens dink ons weet hoe.

Ons baba is nie meer so klein nie. Hier is ons voordeur met hoofslaapkamer weereens by die ingang.
huis se vooraansig.

straat op
straat af

van die voordeur af
van voordeur af gang op. Hoofslaapkamer aan linkerkant.
Die deur wat jy regs sien gaan garage toe.
hoofslaapkamer
TV kamer (rumpus room) oops, effe geblur



studeerkamer (of is dit studeurmekaarkamer?)
kombuis?

waskamer


Zuniga se kamer
Kayleigh se kamer. Sy bank bietjie skool. Nou al 2 dae lank siek.
kids se badkamer. Ons s'n lyk ook so behalwe ons het nie bad in nie.
spaarkamer. Wie gaan hom 1ste gebruik?

No comments: