Friday, 12 February 2010

Ondankbare vrou

Die aand wat ons voet aan wal gesit het in Oz was die enigste huisware in die huis 'n eetstel.
Die oomblik dat ek die stel gesien het het die sooibrand ingeskop. Kom ek wys jou gou waarom. Hier is 'n foto van een van die borde:
Ja ek weet, aaklig verby.

Wel, so gee my buurvrou Kersfees vir my 'n 16 stuk eetstel. 'n Gewone stel, soos ons dit ken. Stoneware met 'n blou randjie om en die aaklikge maroon en goud stel word verban tot die donker dieptes van 'n kombuiskas en die sooibrand verdwyn.

Soos julle seker weet het ek 'n paar ongelukkies in die kombuis gehad die afgelope 2 weke en een van hulle was een my pragtige nuwe eetstel se papbakkies. So word ek toe verplig om 'n papbakkie vanuit die donkerste dieptes van die kombuiskas te haal.

Wel, so paar dae terug droog ek die ding af en neem vir die 1ste keer notisie van 'n stempel aan die onderkant. J&G Meakin met 'n kenteken. Kyk hier.
Meer 'n geval van niks om te doen nie as enige iets anders gaan Google ek die naam.  Groot was my verbasing!  J&G Meakin is gestig in 1845 in London deur mnr Meakin en sy 2 seuns James & George Meakin.  Hulle het so goed gegroei dat hulle in 1859 reeds 1milj stukke per week gemaak het! Hulle was hulle jare ver vooruit. So elke paar jaar verander hulle ietsie aan die logo om dit uniek te maak tot daai era se patrone.

Om terug te kom na ons stelletjie. Toe ek my weer kon kry staar ek op die internet na 'n foto van ons eie
J&G Meakin bord!  Ek het die beskrywing gelees en my bord bestudeer, sooibrand beveg, weer gelees en weer bestudeer.  Want sien, ek kan nie glo die bord wat ek vashou is 'n oorspronklike J&G Meakin nie. Waarom nie? Want ek het 6 dinner plates, 5 lunch plates, 5 side plates, 6 bowls, 4 koppies en pierings, 4 pierings met koppies met 2 ore (nie 'n idee waarvoor mens dit gebruik nie) en 'n melkbekertjie (of dalk 'n souspotjie. Nou sien, volgens die website is ons sooibrand stel se maak - en ek haal aan - 'Manufacturer Status: Discontinued Circa: 1902 Pattern: GOLDEN COURT by MEAKIN, J  G (MEKGOC) Description: GOLD FLOWERS AND MEDALLION, RED RIM'. Ja, dis reg. Vanaf 1902 maak hulle nie meer die spesifieke patroon nie! Kan jy sien waarom ek 100% seker moet wees die goed is 'authentic'? Hoe moontlik om nog soveel goed te he van 'n stel wat sooooo oud is? Of is dit net ek wat gereeld eetstelle uitbreek?

Wel so stuur ek toe die boonste foto's saam die een

 
 
 
 
 
 
 
 
 
 
 
 
 
na 'n Antique website. Jy sal nie raai nie. Ek kan die dinner plates verkoop teen AUD55, die lunch plates teen AUD35 so gaan dit aan!
 
Nou is die vraag  . . . Wil ek die sooibrandstelletjie verkoop, of wil ek dit hou, daarmee spog en vir my gaste gee om uit te eet? 

No comments: